Schoelkelder
Deur filters siepelt locht
weerum naor kinderjaoren
een somber uur in tied verwèeid
een wintermiddag die vergeten lek
het kleine raom waoran de dag verschöf
een mug die moedeloos hen boeten kek
een olde laamp zwèeit zunder hinder
zien locht rond kalme stap de trap umdeel
het knapt in de verwarmingsbuizen
in doffe glaans en oetgeteld
een schier oneindig lange rij van
proemen bonen appels neuten
een olde haand veg etiketten vrij
tilt potten even van heur plek
een spin brengt zuk vanneis in veiligheid
* * * * * * * * * *
Veenbraand
Mèensken blieft achter
leeg bint heur haanden
heur voeten verkleumd
as ze gaot deur de naacht
met um heur hen
zaacht moezengescharrel
knaogen an wortels
het leven verdaon
boven het veld
hangt stil witte wieven
die traog beweegt
en de eerde net raokt
dieper daorunder
smeult aaid nog wat woorden
ze blieft as een veenbraand
verbörgen bestaon.
Deur filters siepelt locht
weerum naor kinderjaoren
een somber uur in tied verwèeid
een wintermiddag die vergeten lek
het kleine raom waoran de dag verschöf
een mug die moedeloos hen boeten kek
een olde laamp zwèeit zunder hinder
zien locht rond kalme stap de trap umdeel
het knapt in de verwarmingsbuizen
in doffe glaans en oetgeteld
een schier oneindig lange rij van
proemen bonen appels neuten
een olde haand veg etiketten vrij
tilt potten even van heur plek
een spin brengt zuk vanneis in veiligheid
* * * * * * * * * *
Veenbraand
Mèensken blieft achter
leeg bint heur haanden
heur voeten verkleumd
as ze gaot deur de naacht
met um heur hen
zaacht moezengescharrel
knaogen an wortels
het leven verdaon
boven het veld
hangt stil witte wieven
die traog beweegt
en de eerde net raokt
dieper daorunder
smeult aaid nog wat woorden
ze blieft as een veenbraand
verbörgen bestaon.